يا مهدي أدركنا أدركنا أدركنا
———————-
يبن الحسن
تتوسلك شيعتك هل منتظره
جار الزمن
وترقبوا شوفتك يبن الزهره
بين الفتن
شوگ وحزن والدمعه تسچب عبره

عجِّلِنَّه الدين امسى في خطر
وساد بيها الباطل وظل ينتشر
أقْبِلِنَّه سيدي نشكو الغدر
يا مهدي أدركنا أدركنا أدركنا
———————————

من الزغر
انه عشگت نهجك ومازل عنه
وابقى افتخر
وخل يسمع العاذل وخل يتدنّه
والله افتخر
ما حيد عن دربك ومامل منه

انت يامولاي روحي ومهجتي
شلون احيدن وانت عمري و سلوتي
ماأعوفك ياللي نهجك غايتي
يا مهدي أدركنا أدركنا أدركنا
————————-
انت الامل
زاد الألم وانت التزيل همومه
هذا الحصل
آه وحزن والجرح باقي ليومه
انت العمل
عابس إلك من حبه شگ هدومه

يمته يبن الحسن يَالمُنقِذْ تِهلْ
تملي كلّ الارضْ بالحقْ والعَدِلْ
انْهَد شملنه وگوم لِم انت الشّمــِلْ
يا مهدي أدركنا أدركنا أدركنا
———————————-
بيك ارتجي
جور وظلم والدين امسى بغابه

يامنهجي
صاحب علم مهجور والله كتابه
بلكن تجي
والناس بالجهل وعِمه مِنصابه

گــوم يبن الحَسنْ وليمتــه الصّبرْ
گــوم شوف الغدر من اهلِ الكُفرْ
راوي مَن عاداكم انجوم الظّهــُرْ
يا مهدي أدركنا أدركنا أدركنا