شــور || يامهدي هويتك هويتك هويتك|| أداء: حسن المنصوري|| كلمات: عباس السبتي

يامهدي هويتك هويتك هويتك
…………………………..
ثورة علم.. يالمهدي شورك للبشر أسسها
حب وسلم .. وأعظم مبادئ بالنَفِس يغرسها
تقوى وحلم .. من فيض نهجك سيدي نلمسها
بالفكر يامهدي برزت ثورتك
بمَكْرَمَه واخلاق نلمس غايتك
وبالعلم مولاي تنقذ امتك
…………………………..
ساد الجهل… شوف الشريعه شصار بعدك بيها
انته الأمل… أرواح عطشت بيدك اتروِّيها
صحنه العجل ..هاي أمتك ضلَّت تعال اهديها
ساد الظلم والفقر واثاره
شن عالكفر يابو صالح غاره
إمحي الدجل انهي كل افكاره
……………………………….
ما ظل صبر … بالغربه عاشت يالحبيب انصارك
بس ننتظر … يا يوم نسمع ياولينه اخبارك
فوگ الجمر… يسحگ الحَبَّك واللي يطلب ثارك
والله وعلي عالجمر مشّونه
انعيش بسلم والله ماخلونه
بس الهظم سيدي راوونه
…………………………..
يبن الحسن .. حبك صبح للروح أقدس غايه
انته الوطن … بيك الأمان وبيك اعظم ثايه
عيد السنن… وللعدل ارفع يابو صالح رايه
يمته الفرج يابوصالح يمته
يوم الغبت الفرح فارگته
والله وعلي كلشي لاجلك عفته