ياالغايب منتظرين يالغايب منتظرين
……………………….
يامهدي عَالجمر نسحك كل يوم
والّي يمهد الك يصبح مظلوم
والحق يابن الحسن واضح للناس
لكن وسفة العقل بيد الوسواس
واحنه للمعذرة أسسنا الشور
بيه نطرح موعظة وحِجّة ودستور
والحِجة منهجنه .. وكل الناس تعرفنه
بالتقوى والهدى … تبقى ترف رايتنه
………………………………
انحشْمَك وانذكْرَك بطفوف حسين
وبكافل ظل طايح ممرود العين
واخيامك وايتامك حركتها النار
واطفالك وعيالك بيد الأشرار
ماتسمع بالمدمع أم عون تصيح
تتعثّر ماتكدر كل ساعة تطيح
واطفالك تسمعها .. والظالم روعها
يمتة تصول بسيفك … عدوانك تقمعها
.. ……………………………..
عدنه حجة وعلم عدنا الإيثار
واحنه أهل العلوم ازغار اكبار
عفة وتقوى وعدل زود وإيمان
نِتْبَع يابن الحسن أعلم إنسان
نقره ندبه وعهد ونصلّي الليل
وعدوانك سيدي نراويها الويل
مرجعنه مَعلِمنَه .. بأخلاقه مَكملْنه
أهل أخلاق وعفه …. والوادم تعرفنه
………… …………………
يامهدي للفرج مشتاگة الروح
واحبابك بغيابك مليانة جروح
والفاسد والظالم بالباطل هام
ومن عظم المفسدة المؤمن ينظام
والينصح واليشرح متعذب الحال
يتشرّد يطّرّد تِلفيْهْ الأهوال
نشكيلك يالقائم … من كل طاغي وظالم
خَلِّصْنَه من جوره … للدين أصبح هادم