شــور || واويلاه نخيتك نخيتك نخيتك|| أداء: مصطفى امين || كلمات: الناصرة الموسوية

واويلاه نخيتك نخيتك نخيتك
واويلاه نخيتك نخيتك نخيتك

ليل وسهر
واگف ابّابك والمناطر سلوه
گلبي انفطر
طوّل غيابك والمفارگ بلوه
ذاب الحجر
وي دمعتي وانه المناطر نخوه

مولاي احضر لا تطوّل غيبتك
بالعداله تغيظ أُمه عادتك

تنوّخ الرايات كلها لرايتك

واويلاه نخيتك نخيتك نخيتك
واويلاه نخيتك نخيتك نخيتك
……………………………
يالمبتعد
كل دنيتي ما تحله غير بملگه
الكُل مستعد
ينال الشهاده وياك لاخر شهگه
سنيني تعد
حطت ملح لجروحي هاي الفرگه

إشما أسولف واندبك صبح ومسه
الثكالى ونوحها بروحي رسه
چن يتيم بفرگتك دهري قسه

واويلاه نخيتك نخيتك نخيتك
واويلاه نخيتك نخيتك نخيتك

……………………………….
حيلي انهدم
والدمع ما بين الحزن والغايه
شدّو العزم
ننتظر شاره لدولتك بحچايه
يابو الشيم
عيني اعله دربك والعلم والرايه

الليالي بغيبتك ما چن تُمر
هي وحشه ومنك تناطر فجر
لجل عينك سيدي يطول العمر

واويلاه نخيتك نخيتك نخيتك
واويلاه نخيتك نخيتك نخيتك
………………………………
من المهد
زارع سنيني وتنحصد بالحسره
إعله العهد
باقي انتظر وشما توجر الجمره
گلبي زهد
بس بلقائك اجني آنه الثمره

من اجه السفاح صاحوا يا هلا
الكتلوا الطفل الرضيع بكربله
عامر وسفيان عاد وحرمله

واويلاه نخيتك نخيتك نخيتك
واويلاه نخيتك نخيتك نخيتك